DADENGGRE: Sukrobar salo, Career Counselling Session-ko Dadenggre-ni Sub-Divisional Office-o a·bachengataha.
Ia Career Counselling program-ko a·bachengate on·anganio, Dadenggre-ni Civil SDO Richa Kulkarni, tom·anio bak ra·giparangna aganprakangengon, Dadenggre Civil Sub-Division-ni ning·o donggipa chatro chatrirangna, dingtang dingtang kam ka·e cha·ani cholrangni gimin, biming segatanirangko dakani gimin, porikkarangna tarisamsoani gimin aro uandakgipa cholrangko on·ani bidingo u·iatna miksonganio ia session ba program-ko ong·atenga ine parakataha.
An·tangtangna on·enggipa cholrangko mikkangchi an·tangtangni janggi tanganirangna ra·e jakkalchina gitaba ua chatro chatrirangko aro program-o bak ra·gipa sakantikon didiangaha.
Ia tom·anio, Dadenggre Police Station-ni Officer-in-Charge (OC) Vicky K Sangma-ba jinmana aganprakengon, police-ni kamna nanganirangko talate on·angenba, police-ni kamko ka·na gita manderang, an·seng baljokgipa, gisikni gita bilakgipa aro mobile phone gita dakgipa gital kolrangko jakkalani bidingo ma·sie ra·na nangchongmota ine parakataha.
Ia program-ko ong·atanio, Phulbari Police Station-ni OC Simchi Ch Sangma-ba jinmana aganprakengon, maikai police-ni kamna dorgastorangko galna nanga, uarangni gimin talatanirangko on·angskaaha.
Ia Career Counselling Program-ko a·bachengatanio, Dadenggre Civil Sub-Division-ni Assistant Commissioner Solomon J Syiem, Police department-ni officer-rang, dingtang dingtang skulni chatro chatrirang aro gipinrangba dongpae bak ra·angtokaha.
