SHILLONG: Akashvani-ni bilsi 90 gapaniko manina 5 kilometre Mrathonko All India Radio Shillongni Akashvani Shillong aro Akashvani North Eastern Service nangrime ong·atangaha. Ia katsusaanio dingtangdingtang rokomni manderang sak 100-na baten bakko ra·angaha.
Ia marathon-ko ong·atanio All India Radio Shillongni Akashvani HoO Shri. Hamarlin Diengdoh nisanko badale a·bachengataha jeon Meghlayaoni International Marathon katgipa Beningstar Lynkhoiba bako ra·angaha. Ia marathon-ko All India Radio Shillong-oni a·bachengataha aro uandake DIPR-oni Barik Point-ona, Civil Hospital, Keating Road, Khyndailad Point, City Hut Dhaba Rama, Polo Tower, NPP Office, State Convention Centre aro YWCA-gita katbae AIR Shillong-o matchotatpilaha.
Ia Marthonko Akashvani-ni bilsi 90 songraniko gisik ra·na ong·ataha aro unbaksa manderangko b·enrangko ranta ka·anichi an·senge dongchina aro manderang baksa bakrimna miksonganio ong·ataha ine Head of Office Akashvani (All India Radio) Shillong-ni Hamarlin Diengdoh aganangaha.
Marathon katsusaaniko name dake matchotatna man·a gita East Khasi Hills District-ni Deputy Commission office baksa apsan nangrime katsusaani somoio neng·nikanirangko man·aona sanna bannani, ramarango traffic aro chel·chakanirangko on·angaha. Iako ong·atanio chadamberang, officialrang aro gipinrang bang·en bakko ra·angaha. Medal aro certificate-rangko chegiparangna on·angha aro bakko ra·gipa sakantina certificate-rangko sualangaha.
