Shillong: Meghalaya Robibaro brigipa changna Swami Vivekananda U-20 Men’s National Football Championship 2026-o cheaha, ia chango uamang Rajasthan-ko goal 3-0-chi cheaha.
Ia cheaniko man·anichi Meghalaya Group A-o chu·gimik 12 point-ko man·e Chhattisgarh-ni, Narainpur-o kal·nasigipa quarterfinal-ona doangaha.
Kal·a pringni 7:30 baji dipet a·bachengaha aro Meghalaya, Mebanlamlynti Masharing (3′)-ni, Imeral Jana-ni tingatgipa corner-o goal chipanichi skanggipa goal-ko man·aha. Uni ja·mano Ryan Gibbs Kharnaior (17′) gnigipa goal-ko Meghalaya-na chipe on·aha. Meghalaya-oni sak gitttam forward-o kal·aha, Rajasthan-oni sak 5 ong·skaha.
Sak gittam defender-rangni jajae dongmitingo Ryan robolko man·e ta·rake kal·ange cholko nike tingataha aro Rajasthan-ni goalkeeper-ko ga·batate goal chipaha.
Skanggipa half-ni somoio matchotna skangba Phermanbha Lyngdoh (38′) Meghalaya-na gittamgipa goal-ko chipaha.
Meghalaya iana skang Bihar-ko 3-1-chi May 9-o, Jharkhand-ko goal 5-0-chi May 11-o aro Andhra Pradesh-ko goal 8-1-chi May 13-o kal·anggipa match-o amaha. Uamang quarterfinal-o Group C-oni chegipa dol baksa kal·gen.
