WILLIAMNAGAR: Robibar salo Williamnagar WDSA kal·chakramo Inter-Office T20 Cricket ni semi-final ko kal·susaanga. Skanggipa semi-final match ko Education XI aro TDCA Prez. XI kal·anga, jeon Education toss ame skang batting ka·na baseanga. Education XI skang dokchenganiko dakengon chu·gimik (15) overs-o 6 wicket noksan ka·e 113 score ko tarianga, iano opener Ravin Dokgre 12(13), Hadu PS 28(19) score ko dol na on·gilanga, una agre 3 gipa biappo dokenggipa Waimong Marak 12(150, Shiva Sangma 20(12), Heston Rabha 34(23) ko dol na bang·bate on·gilanga. Dolgipin TDCA Prez. XI na skang fielding ka·engon Luke Ryan 2/16(3), Malash, Moisten, Wikkard 1-1 wicket ko ra·galna chol ong·skaa.
Match ni gnigipa innings-o target 114 ko rong 90 robolo amna nangengon TDCA XI innings ko nambee a·bachengna man·a jeon opener Robert Momin 43(42) score ko 4s chang 2, 6s chang 2 sate Waimong Marak ni over-o LBW ong·e wickt noksan ong·atskaa, una agre sakgipin opener Rupankar Marak 27(23) 4s chang 4, 6s changsa sate Banang M Momin ni gomitingo wicket noksan ong·ata, indake sakgni opener ni wicket ga·aka ja·man Gino Sangma 30*(20) 6s chang 3, Malash 10*(4) 4s chang 2 sate dol ko (14.2) overs ong·oan target na badepile 118 score ko 2 wicket noksan ka·e chimongna chol ong·skae semi-final kal·susaaniko 8 wickets chi amna chol ong·a.
Ia tournament ni gnigipa semi-final ko Medical aro MLP XI ni gisepo kal·susaangskaa. Iano Medical dol toss ame skang batting ka·an basenga jeon Dr Hollington A Sangma 11(10) score ko tarie Sulo Momin ni robolo LBW ong·e wicket noksan ong·ata, iani ja·man Medical dol ni batter Dairo Marak, Dr Sengsrang ta·raken wicket noksan ong·attoka, indake 5 gipa biap ni batter Gilseng Momin ni 19(24) score ko on·gilanga ja·man Johny S Marak, Decem Arengh ta·raken wicket noksan ong·dapatskaa, indake chu·gimik (20) overs matchota ja·man 2 gipa biap ni opener Kiron D Shira 103 (60) 4s chang 13, 6s chang 3 sate dol na bang·bate on·gilna chol ong·enba extras 12 baksa Medical dol (20) overs-o 7 wicket noksan ka·e 160 score ko chimonganga.
Dolgipin MLP XI na skang fielding ka·engon Sulo Momin-Maradona Sangma 2-2 wicket ko ra·galna chol ong·a, unbaksana kal·rimska Patrick Snal-Helbin Marak 1-1 wicket ko ra·galanga.
Tournament ni final biapna target 161 ko rikengon MLP XI dol ni top order batter Rikseng Sangma 3(7), Sulo Momin 5(4), Tenigbirth 0(5) ta·rake wicket noksan ong·ate dolko jajrengatskaha, indioba 4 gipa biap ni batter Tony 88(52) 4s chang 7, 6s chang 5 sate aro 5 gipa biap ni batter Helbin Marak 42(29) score ko on·gile dol na warachakangskaa, bon·kamao Barkin Marak 9*(11), Tengsim S Momin 5*(4) ko on·gilskae extras 9 baksa target ko (18.3) ong·mitingon srapna chol ong·e match ko 5 wicket chi amna dakchakangskaa.
Medical dol na krengbee fielding ka·angahaoba Dr Holington, Johny 2-2 wicket ko ra·galna man·a, uandake Kasrang Momin 1 wicket ko ra·galangskaa. Ia match ko Medical dol ni kosako 5 wicket chi amna chol ong·e MLP XI tournament ni Final-ona doangskaa.
