SHILLONG: Da·o dipet Meghalaya a·dokni pilak biaprangon, petrol, diesel aro song·a chanani LPG-rangko chu·onga gita man·engkua ine dingtang dingtang Oil company-rang parakatenba, manderangko kenjagokjachina didiataha.
Oil Industry, Meghalaya-ni State Level Coordinator aro Indian Oil Corporation (IOC) Shillong Area Manager (LPG-Sales)-ni parakatani gitade, da·o dipet a·dokni pilak biaprangon, Public Sector Oil Marketing Company-rang, petrol (MS), diesel (HSD) aro Liquified Petroleum Gas (LPG)-ko bon·changgijan manderangna on·na man·engkua.
Dingtang dingtang biaprango petrol, diesel aro LPG-rangko palenggipa biaprangona maming neng·nikani grian sokate on·na man·enga ineba oil industry-ni official-rang parakataha. Petrol pump-rango petrol aro diesel-rang dongama dongja, iarangko salantian nirokjringenga aro a·dokni pilak biaprangon LPG-rang bon·changjana gita kamrangko ka·enga ineba official-rang aganaha.
Da·o dipet a·dokni pilak biaprangon noko jakkalgipa ba domestic LPG-rang bon·changa dongkujaenga aro manderangna nangani krian sokate on·na kamrangko ka·enga ineba official-rang parakataha.
LPG-rang bon·changjana gita pilak biaprangon oil company-rang nirokjringenga ineba official-rang parakataha.
Da·o dipet, petrol, diesel aro LPG-rangna jajrengna nangani dongja ine parakatengon, manderangko kenjagoke brejachina aro petrol, diesel baksana LPG-rangko noktangtango ra·dame donjachina gita official-rang didiataha.
Social media-rango tol·e jangbingbangatanirangko bebera·aigija Oil Marketing Company-rangni u·iatanirangosa pangchakchina gitaba official-rang, a·dokni manderangko didiataha.
Petrol, diesel, LPG-rang chu·onga gitan donga ine Oil company-rang ku·chaka
Date:
Share post:
