6th Pay Commission-ko ra·gatchina 4th Grade Govt Employee-rang dabia

TURA: A·dok sorkario kam ka·enggiparangna ta·raken 6^th Pay Commission-ko ra·gatchina dabie, All Garo Hills Grade-IV Government Employees Association, Garo Hills Region, a·dokni Chief Secretary-na sedoataha.
North Garo Hills a·jani Resubelpara-o ong·atgipa association-ni changchetgipa General Meeting-o chanchirimangani ja·man Garo Hills-ni 4^th Grade Govt Employee-rang, a·dok sorkario kam ka·giparangna 6^th Pay Commission-ko ta·raken ra·gatchina dabiangaha.
Iana agreba, sorkario kam ka·enggiparangni man·na nangkuenggipa Dearness Allowance (DA)-ko ta·raken on·china, gital Pay Commission-ko ra·gatchina aro gital Pension Scheme-ko tarichina gitaba 4^th Grade Govt Employee-rang a·dok sorkariko didiataha.
Medical Allowance aro Hill Allowance-rangko bariatchina, Grade IV-oniko LDA-ona gital ra·gatgipa Promotion System-ko ja·rikchina, Leave Travel Concession (LTC)-ko on·china aro Compassionate Ground-o 4^th Grade employee-rang siangani ja·man uamangni biapo uamangni nokdangoniko kamo rakkichina gitaba All Garo Hills Grade-IV Government Employees Association, a·dok sorkario dabiangaha.