BAGHMARA: Meghalaya Shooting Association, South Garo Hills a·jani District Sports Officer aro South Garo Hills District Shooting Sports Association baksa nangrimenba, South Garo Hills Sports Complex-o, a·dokni gisik nanggipa chadamberangna, Shooting Sports-ni bidingo awareness program-ko ong·atanga.
Ia ong·atanggipa program-o shooting sports-na gisiko nanggipa chatro chatrirang aro chadamberangni gisepo banga nambata gadango bakrangko ra·na cholrangko man·engani bidingo agan-talatanirangko dakangaha.
Program-ko on·atanggipao bakko ra·anggiparangna shooting sports-o bakko ra·enganio j·rikna nanggipa bewalrangni bidingo agan-talate on·angenba, discipline-ko rakkiani, gisiko nangani, chakchikani, gisikni gita bilakani aro kal·suaani a·bao namgipa chu·sokanina ja·rikna nanggipa daito-rangni gimin talatangaha. Uni gisepon organizers aro official-rang, shooting sports kal·susaanio changa sapanikosan on·aija indiba ian chadamberangni gisepo miksongani aro ka·donganikoba bilakatna dakchaka ine aganangaha. Una agreba ia programo, shooting sports-o namgipa gadango chu·sokaniko man·gipa manderangni gimin janapangenba bakko ra·anggipa chadamberangna didianiko on·angjolaha.
Ia ong·atanggipa programo gisiko nanggipa chatro chatritang, kal·susaaniko namnikgiparang manderang aro songsalni manderangni gisiko nange bakko ra·angahanina mittelpile aganangengon, ian shooting sports-ko Meghalaya a·doko namdapatananina ong·gen, mongsongbate South Garo Hills-o aro gisiko nanggipa chadamberangna namgipa chol ong·gen ine official-rang aganaha.
SGH, Baghmara Sports Complex-o Shooting Sports-ni bidingo Awareness Program-ko ong·ata
Date:
Share post:
