SHILLONG: India a·songni gipin biaprango gitan Meghalaya a·dokoba commercial Liquified Petroleum Gas (LPG) cylinder-ni damko Sombar sal dipet, gong 53.50-chi bariataha indiba domestic LPG cylinder-ni damkode da·o dipet bariatskakujaenga.
Iani bidingo talataniko on·angengon, Shillong songjinmao domestic LPG cylinder-ni damkode da·o dipet bariata dongkujaenga ine Khasi-Pnar Gas Agency-ni nokgipa RL Blah parakataha.
Indian Oil Corporation (IOC) Limited-ni gital damrangko u·iatani gitade, kg 19 ong·gipa commercial LPG cylinder-ni dam da·o gong 3377 aro kg 47.5 ong·gipa cylinder-ni dam gong 8437 ong·aha.
Free Trade LPG (FTL) category-ni ning·o, kg 5 ong·gipa LPG-na gital connection-ko ra·anio gong 1836.50 ong·gnok aro ia cylinder-ko refill ka·na gong 892.50 ong·skagnok.
Kg 5 ong·gipa FTL POS-ko gital ra·anio gong 1850.50 aro ia LPG-ko refill ka·anio gong 906.50 ong·skagnok.
Kg 5 ong·gipa FTL POS composite-ko gital ra·anio gong 3443.50 aro ia cylinder-ko refill ka·anio gong 906.50 ong·skagnok.
Kg 2 ong·gipa FTL POS-ko gital ra·anioba gong 1092.50 aro iako refill ka·anio gong 384.50 ong·gnok.
Kg 19 ong·gipa Nano Cut Cylinder-ko da·o gong 3526, kg 19 ong·gipa XtraTeJ cylinder-ko gong 3399.50 aro kg 47.5 ong·gipa XtraTej cylinder-ko gong 8493 ong·skagnok.
