SHILLONG: A·songni education system-ni tik ong·jaengani gimin aro mongsonggipa porikkarangkon namedake ong·atna gita man·jaengani gimin A·songni Education Minister-ko kam watchina aro education department-ko gital dakchina gita Cockroach Janta Party dabie re·chakatengon, Meghalaya Chief Minister Conrad Sangma, Sombar walo uamangni kosako sing·anina mamingkoba aganchakjaha, uamangni kosako jeko aganna inoba da·o agre seng·gnangdugaenga inesan aganchakaha.
Je party ba dolkoba bikotbo uni bil-rengsi uamangni bimangko tarianio aro constitutional framework-osa pangchaka, rang·gitik jinmani nachil songanio pangchakja, je dolba ong·bo namedake bimang ong·chenganiko aro constitutional frame-work-ko nanga ine chief minister aganaha.
‘‘Anga chanchia, ge·sa organisation-ko songahaosa uamangni gimin jekoba aganna gita man·gen ine anga chanchia,” Sangma aganaha.
Ua indakeba aganaha je, uamang digital platform-rang gita bimangko ong·ataha indiba uamangni ja·ku de·ani aro chu·gimik bimang ong·mangimin political party-ni gisepo dingtanggrikaniko ma·sina nanggen.
Da·alo Social Media-ni a·gilsako ian ong·na man·aia, CJP-ni ding·chaoaniko ma·sia, indake ong·engon, programrango manderangni bak ra·anide dongainaba donga indiba political party-ara uamangni movement ba ja·ku de·anina bata.
‘‘Uamangni re·chakatani da·osa a·bachengenga. Uamangni songregni chel·engkua. Uamangni re·anirang maidake ong·gen aro maidake matchogen, sengna aro nichengna nangkugen” ine chief minister aganaha.
Politics-de a·bachengo ding·chaoa mangmangde ong·ja, baikamaniosa pangchaka ineba ua aganaha.
Political party-ko chalaiade ramram ong·ja, ra·bianirangni bang·en donga, baikamgipa aro kim·kimgipa ong·na nanga, minggipinara na·a party-ko ru·ute maikae chalaienga uasa dal·batgipa sing·anide, Sangama aganaha
“A·selrango pangchakesa re·chakatengani gimin a·bachengode ding·chaoanirangde dongaia indiba na·a ua organisation-ko chalaianio baditana baiatgen aro kim·kime rakkina man·gen uasa mongsonggipa ong·a” ine chief minister aganaha.
Mikna gita man·a je, NEET Paper leak ba jokani gimin A·songni Education Minister Dharmendra Pradhan-ko kam watchina dabienba Cockroach Janta Party (CJP), re·anggipa anti Sonibar salo Jantar Mantar, New Delhi-o bilake jingjengatahachim.
Je party ba dolkoba bikotbo uni bil-rengsi uamangni bimangko tarianio aro constitutional framework-osa pangchaka, rang·gitik jinmani nachil songanio pangchakja, je dolba ong·bo namedake bimang ong·chenganiko aro constitutional frame-work-ko nanga ine chief minister aganaha.
‘‘Anga chanchia, ge·sa organisation-ko songahaosa uamangni gimin jekoba aganna gita man·gen ine anga chanchia,” Sangma aganaha.
Ua indakeba aganaha je, uamang digital platform-rang gita bimangko ong·ataha indiba uamangni ja·ku de·ani aro chu·gimik bimang ong·mangimin political party-ni gisepo dingtanggrikaniko ma·sina nanggen.
Da·alo Social Media-ni a·gilsako ian ong·na man·aia, CJP-ni ding·chaoaniko ma·sia, indake ong·engon, programrango manderangni bak ra·anide dongainaba donga indiba political party-ara uamangni movement ba ja·ku de·anina bata.
‘‘Uamangni re·chakatani da·osa a·bachengenga. Uamangni songregni chel·engkua. Uamangni re·anirang maidake ong·gen aro maidake matchogen, sengna aro nichengna nangkugen” ine chief minister aganaha.
Politics-de a·bachengo ding·chaoa mangmangde ong·ja, baikamaniosa pangchaka ineba ua aganaha.
Political party-ko chalaiade ramram ong·ja, ra·bianirangni bang·en donga, baikamgipa aro kim·kimgipa ong·na nanga, minggipinara na·a party-ko ru·ute maikae chalaienga uasa dal·batgipa sing·anide, Sangama aganaha
“A·selrango pangchakesa re·chakatengani gimin a·bachengode ding·chaoanirangde dongaia indiba na·a ua organisation-ko chalaianio baditana baiatgen aro kim·kime rakkina man·gen uasa mongsonggipa ong·a” ine chief minister aganaha.
Mikna gita man·a je, NEET Paper leak ba jokani gimin A·songni Education Minister Dharmendra Pradhan-ko kam watchina dabienba Cockroach Janta Party (CJP), re·anggipa anti Sonibar salo Jantar Mantar, New Delhi-o bilake jingjengatahachim.
