Electoral Roll-rangko Oct 7 tariko chapa ka·gen
SHILLONG: Meghalaya a·doko electoral roll-rangko re·baenggipa June 20 tarik dipet Special Intensive Revision (SIR) dakna a·bachengatgnok ine a·dokni Chief Electoral Officer (CEO) BDR Tiwari parakataha.
CEO-ni parakatani gitade, electoral roll-rangko June 20 tarikoni SIR dakna a·bachengatenba, Electoral roll-rangko ia bilsini October 7 tariko, bon·kame chapa ka·gen.
A·doko SIR-ko dakna gita Election Commission of India (ECI)-ni tik ka·gimin tarikrangko parakatengon, SIR-ko June 20 tarikoni June 29 tarikona skanggipa bakchi a·bachengatgen aro uni ja·man June 30 tarikoni July 29 tarikona, nokantichi re·e bimingrangko nipilanggen ine CEO u·iataha.
“SIR-ni skanggipa bakko June 20 tarikoni June 29 tarikona ka·anggen aro uni ja·man June 30 tarikoni July 29 tarikona, Booth Level Officer-rang, nokantiona re·e bimingrangko nipilanggen,” ine Tiwari aganaha.
Draft electoral roll-rangko ia bilsini August 5 tariko chapa ka·gen aro iani ja·man manderang, bimingtangtangko nipilna gita cholko man·gen ineba Tiwari aganaha.
“Draft electoral roll-rangko August 5 tariko chapa ka·gen aro uni ja·man August 5 tarikoni September 4 tarikona kingking manderang, bimingrangko nipile taridapna aro den·galna nanganirang den·galna man·gen,” ine ua aganaha.
CEO-ni parakatani gitade, ia bilsini October 7 tariko, electoral roll-rangko bon·kame chapa ka·enba, Special Intensive Revision-ni kamrangko matchotatgen.
“Electoral roll-rangko October 7 tariko bon·kame chapa ka·gen aro SIR-na qualifying date-ara ia 2026 bilsini October 1 tarik ong·gen,” ine Tiwari aganaha.
SIR-ko dakanio, Election Commission-ni niamrangko raken ja·rikgen ineba ua aganaha.
