TURA: Bristibar salo, North Garo Hills a·jani A·chik State People’s Front (ASPF), East aro North Division-ni Forest & Environment (T) Department baksa nangrime, North Garo Hills a·jani dingtang dingtang biaprango niam gri chalaienggipa sawmill ba bol ratani karkanarangko rim·aha.
ASPF Central Executive Body-ni Chief Organising Secretary Raksim Marak-ni u·iatani gitade, Garo Hills-ni bol wa·arangko niam gri ratenba, gipin biaprangona palsrukatanirang batroroengani gimin niam gri bol badingsrukaniko champengani bak gita uamang, Forest department-ni manderang baksa, North Garo Hills a·jani dingtang dingtang biaprango niam gri chalaienggipa sawmill-rangko rim·aha.
Niam gri chalaienggipa sawmill-rangko chadrapeanio ASPF aro Forest department-ni manderang, bol ratna jakkalenggipa dingtang dingtang ostrorangkoba rim·aha.
North Garo Hills a·jao niam gri chalaienggipa sawmill-rangko chadrapeanio pilak nanga dakchakanirangko on·ahani gimin ASPF Northern Zone, dingtangmancha East aro North Division-ni Forest & Environment (T) Department-ni official-rangkoba mittelpilataha.
North Garo Hills-o niamgri chalaienggipa sawmill. (Noksa ASPF)
