TURA: Garo Hills Autonomous District Council (GHADC)-ni receipt form aro logo-o ‘Autonomous’ kattako ra·galanina Tura-ni MDC aro Bharatiya Janata Party (BJP)-ni state vice president Bernard N Marak-ni jegalatani ja·man, South Garo Hills a·jani social activist Greneth M Sangma-ba iako jegalanio chakpaaniko parakataha aro ‘Autonomous’ katta gride GHADC-ara, wagam gri gitasan ong·e, Tribal-rangni bilrangko warachakanio indin ong·gramaia ine parakataha.
GHADC-ni nangchongmotgipa lekkarang aro logo-rango ‘Autonomous’ kattako ra·galaniara, gitcham Executive Committee-rangni Garo Hills District Council (GHDC) aro Garo District Council (GDC) ine seaniko ja·rikbagipa apsan kamkon dakgualani gita ong·enga aro ian GHADC-ni bil aro jakgitelaniko onatani ba ra·ongalani gita ong·enga ine adita salrangna skangsan Tura-ni MDC Bernard Marak parakatahachim.
Tura MDC-ni jegalanio chakpaaniko on·angengon, GHADC-ni mongsonggipa lekkarango aro logo-o ‘Autonomous’ kattako ra·galaniara, sesretanikosan mesoka ong·ja indiba Tribal jatrangko chel·chakna aro an·tangari sorkariko chalaina gita Indian Constitution-ni Sixth Schedule-o on·gimin bilko mande ra·gijaniko mesokanisa ong·a ine South Garo Hills a·jani social activist Greneth Sangma parakataha.
“Autonomous kattako ra·galaniara GHADC-ni mikkimkon ra·galani gita ong·aha. Autonomous ba jakgitelani gride GHADC-ara wagam gri gitasa ong·e, Tribal-rangna on·gimin bilrangko chel·chakanio bilgriatako man·a,” ine Sangma parakataha.
Indake ong·engon, GHADC-ni pilak nangchongmotgipa lekkarang aro logo-o ‘Autonomous’ kattako ra·china aro iako dakgualanichi, Tribal-rangni jakgitelaniko man·anio maming nangchakaniko man·jana gita ta·raken GHADC-ni General Body meeting-ko ong·atenba, iako taridapchina gita Sangma didiataha.
GHADC-ni logo-o ‘Autonomous’ kattako ra·galanina activist saksaba jegala
Date:
Share post:
