TURA: North Eastern Hill University (NEHU), Tura Campus-o kam ka·engiparang university-ni Vice Chancellor aro Pro Vice Chancellor-ni ka·dongatani kattarangko u·iatani ja·man uamangni jingjengatako dontongatna tik ka·aha, indiba ku·chakako chu·sokatjaode jingjengatpiltaigen ine Tura Campus Staff Welfare Association (TCSWA) mikrakataha.
Batanggimin July 1 tariko university-ni authority-rang baksa video conference ong·atao TCSWA, uamangni ru·uta somoina dabianirangko aganangaha, uarangko knachake ja·man Vice Chancellor, uamangni dabianirangko nirokatna ka·dongtaha.
Indake ong·genchimoba uamangni jingjengataniko dikdiksanasan dontongatenga indiba authorities uamangni ku·chakgimiko somoi gita chu·sokatjaode apsan daken jingjengatpiltaigen ine janapangenba jingjengatao bak ra·gipa employee-rangni kosako maming ja·ku de·anirangko dakjachina University Administration-ko mol·molangaha.
TCSWA ru·uta somoina uamangni dabibaenggipa DoPT ko ja·rikchina, niamgri kamo ra·dona tik ka·aniko nipiltaichina, gratuity-ni namgnirangko on·china, Employees’ Provident Fund (EPF)-ni ning·o bimung segatani baksana casual kam ka·e cha·paenggiparangna somoi gita dormaharangko on·china dabie batanggimin June 16 tarikoni office-o kam ka·gija jingjengataniko a·bachengatahachim.
NEHU, Tura Campus-o kam ka·giparang jingjengatako dontongatna tik ka·a
Date:
Share post:
