GSU- ni gitcham Joint Secretary gimaenga

TURA: Garo Students’ Union (GSU) Raksamgre-Western Zone ni gitcham Joint Secretary-Chankey Ch. Momin July 1 tarikoni gimaenga. Momin batanggimin June 29 tarikoni Tambaram, Chennai-ona kam am·sandina re·angengon New Bongaigaon Railway Station oni rel gari no. AZA48749242-o ripengska baksa songreangenba July 01 tariko, Andhra Pradesh ni Samalkot junction sokahaon ripengska baksa songreaoni ekgrika ja·man Momin an·tangni nanga lekkarang aro mobile phone ko ra·e gimaaha. Ua somoionin Momin ko kobor ra·na jotton ka·beoba chol ong·jae uko saoba nika ong·ode nokdangni manderangna on·gimin contact number-o ma·siatchina mol·molaha. Ia Contact 9233929377, 8787634461-ona kobor on·atna man·gen.