BAGHMARA: South Garo Hills a·jani, Baghmara Civil Hospital-ko namdapatna gita kam ka·anirangko Chief Minister Conrad K. Sangma, Health Offficial-rang aro district administration baksa Bristibar salo nirokangaha. Indake ia rika-cho·ani kamrangko dongimin somoi gitan matchotatchina gita didianiko on·angaha.
Hospitalo rika-cho·ani kamrangko nirokanio Additional Chief Secretary (Health) Dr. Sampath Kumar, unikoa Deputy Commissioner aro health department-ni a·gipi official-rangba Chief Minister baksa bakrimangaha, Baghmara Civil Hospital-ko namdapatna gita kror 11 tangka-paisarangko chamaha, ia civil hospitalko namdapatanichi district-o songdonggipa manderangna sana-bananiko dakanio namen dakchakaniko man·gnok ine Sangma aganaha.
Uni gisepon rika cho·ani kamrangni bidingo Sangma-ni talatani gitade, Baghmara Civil Hospital-o outpatient department (OPD) block-ko rika-cho·anirang matchotnasiengaha aro building-ni kosako chi tanki-koba tarina a·bachengengaha aro staff quarter-rangkoba taridapna kamrangko ka·engaha. Una agreba a·doko sana-banani a·bakuko namdapatna ja·ku de·engani gimin Neonatal Intensive Care Unit (NICU)-, 50-bedded Mother & Child Health wing aro blood bank-ko ward-rangkoba namdapatna kamrangko ka·engaha Chief Minister aganaha.
Una agreba, Chokpot Community Health Centre (CHC)-ko First Referral Unit (FRU)-ona ra·doatani gimin aganengon, ian a·jolo songdonggiparangna namgni ong·gnok ine Sangma aganaha.
Uni gisepon nambatgipa sanchakram biaprangko manderangni sepangbatgipa jolrango ra·bae on·a man·aniara, Meghalaya sorkarini skanggipa ku·rachakgiminrangoni ong·a ine parakatengon, ia project-ni ning·o rika cho·ani kamrangko namgipa gadango aro mongsongbatgipao done matchotate on·china gitaba official-rangko CM official-rangko didiangaha.
