TURA: Indiao dingtang dingtang porikkani question paper-rang aro adita jana skang NEET porikkani paper joksrete changsatai porikkako setaina nangani a·sel, a·songni dingtang dingtang bakrangoni sak 21 chatro chatrirang an·tangtangko so·ote sina nangahani gimin, Cockroach Janta Party (CJP), India a·songni skotong songjinma New Delhi-ni Jantar Mantar-o jingjengatenganio Ladakh-oni saksa scientist aro social activist Sonam Wangchuk-ba India-ni education system-ko namdapatchina aro sianggipa chadamberangna kakket bichalko on·china sima arigri okumu chake dabianio Garo Hills-oniba una chakpaaniko mesokna aro sianggipa chadamberangni nokdangni manderang baksa bakrimpaaniko mesokna Mongolbar attamo Garo Student Union (GSU), CEC, Tura, Post Graduate Student’s Union (PGSU) NEHU, Tura aro Artist Society nangrime “Garo Hills Stand With Sonam Wangchuk” ine katta bichongko donenba Candle Light service-ko Tura Chandmari-o donggipa 30th September Cenotaph-o dingtangmancha program-ko ong·atangaha.
Ia programo ritchani ritcha chadamberang aro senior citizen-rang bak ra·angaha. Bak ra·giparang sakantian NEET question paper joksretani a·sel sak 21 sianggipa chadamberangna kalimaniko dakna aro uamangni nokdangni manderang baksa bakrimaniko mesokna mombatirangko so·e gisik ra·aniko dakangaha aro chadamberangni kosako kragija doka satanina Delhi Police-ni kosako lekka pal·takrango see jegalanirangko dakangaha.
Iana agreba ia program-ko ong·atanggipa Union-ni dilgiparang ma·mongoba aro a·doktangoba da·alo ong·enggipa education-ni bidingo bang·a neng·nikanirangko chagrongengani gimin agan-talate on·angtokaha.
Activist Sonam Wangchuk-na chakpae Turao candle light service-ko ong·ata
Date:
Share post:
