SHILLONG: Chief Minister’s Special Development Fund (CMSDF)-ni ning·o dingtang dingtang dolrangna aro gittimrangna Bristibar salo, a·dokni Chief Minister Conrad K Sangma, Shillong songjinmao an·tangni dongchakenggipa noko dingtangmancha program-ko ong·atangenba, sanction letter-rangko suale on·angaha.
Ia CMSDF-ni ning·o a·dokni Chief Minister, dingtang dingtang dolrangna aro gittimrangna, dingtang dingtang kamrango dakchakaniko on·enga aro ia dakchakaniko man·enggipa dolrangoni mitamrangara, Synjuk Rangbah Shnong Dorbar Raid Mathan, Chibak Agalgittim Sports & Cultural Club, Laitnongrim Upper Primary School, Church of God (M&A), Sohryngkham, Rangthong Cultural Club and Sports Association, Reach Shillong Ministries, Mizo Women Welfare Society, Umpling Presbyterian Secondary School, St. Anthony’s Higher Secondary School aro dingtang dingtang a·jani songko nokko dilgiparang ong·a.
CMSDF-ni ning·o dakchake on·enggipa kamrangara, skul nokrangko rikani, classroom-rangko taridapani, community hall-rangko rikani, multipurpose hall-rangko rikani, dingtang dingtang dolni office nokrangko rikani, skulrango kaldik aro a·pal re·chakaniko rikani, basketball court-rangko tariani, ringani chirangko on·ani, ambulance-rangko breani, kal·susaani bosturangko breani, lekka porani bosturangko on·ani aro uandakgipa kamrangan ong·a.
CMSDF-ni sanction letter-rangko suale on·anio a·dokni Chief Minister, jinmana aganprakangengon, CMSDF-ara, manderangni nanganirangko chu·sokate on·anio mingsa mongsonggipa ostro gita ong·enga ine aganenba, dingtang dingtang project ba kamrangna somoi gita dakchakanirangko on·na man·engani gimin ian manderangni janggi tangani gadangkoba nambatatna dakchakani ong·skaenga ine parakataha.
Nangchongmotgipa kamrango dakchake on·anichi a·dok sorkari, pilak a·jarangon apsan dake namroro silroroaniko ra·bana kam ka·enga ineba Sangma aganaha.
A·doko songdongenggipa manderang namgnirangko man·na gita ia project-rangko name aro somoi gita matchotatchinaba ua, ia kamrangko jako ra·enggipa dolrangko didiangaha.
