NEET paper leak ong·aniko jegale NGH-o Torchlight Rally-ko ong·atanga

RESUBELPARA: Porikkana skangan NEET porikkani paper-ko jokatani gimin porikkako ra·galatani a·sel a·songo sak 10-na batpile chadamberang an·tangtangko so·ote siaha aroba aro changgnini dake apsan porikkarangko seattaianiara poraienggipa chadamberangna aro ma·giparangna bang·nikanirangko ra·baa. Meghalaya-oniba chadamberang ia porikkako bang·en seaha. Indake paper leak ong·anina an·tangan daito ra·e Union Education Minister Dharmendra Pradhan-ko kam watchina aro Education system-ko namdapatchina dabie Meghalaya Pradesh Youth Congress (MPYC) meja Butbar attamo North Garo Hills a·jani Mendipathar-o mingsa Torchlight Rally-ko ong·atanga.
Ia rally-ko ong·atanio MPYC-na dangdike on·enggiparangna agreba joloni sak hajal batpilgipa dal·a-chona sakantian bakko ra·aha aro a·songo Education System-ni namjaenganiko jegalenba Union Education Minister-ni kam ka·a tik ong·gijaniko jegalangaha.
Ia rally-o MYPC-General Secretary, Timjim Momin, jinmana aganprakengon, A·songo chadamberangni gisepo silroro-namroroaniko ja·donggaatenggipara dilgparangni kamni a·selan ong·enga ine janapangaha. A·songo chansokpilgijagipa chadamberang ia mingnambegipa aro niksenggipa NEET porikkako semanahaoba porikka sena skangan ia porikkani paper-ko leak ong·ate ba jokatenba, krengbee tarisamsogiparangna dukniko ra·baaha, iasan ong·aigija adita ja rangna skangsan Garo Hills ni bakoba niamko ja·rikgija kamna rimnapani bidingo chadambe saksani jegalaniko dake kachariona sokangpilanikoba nikangna man·aha jean mitam dilgiparangni sorkarini kamni bidingo donnue kamrangko ka·anichi aro gipin kragijagipa bewalko ja·rike candidate-ko kamna rimnapengani a·selan chadamberang skia-pora donggenchimoba cholrangko man·na neng·enganikoba Momin janapanga.
Songsalo dingtang dingtang kamrangko man·na gita tangka-paisa on·esa kamrangko man·genchimode, iandake kamna rimnapaniko man·gipa manderang kam ka·anio jaksapgipa ong·rongja jekon NEET porikkani gimin niatgenchimode name tarisamsogija tangka-paisani bilchisa kamna seokako man·gipa mande saa-ding·aniko sanna gita jakkaltogipa ong·jawa batesa sagipa-ding·gipa mandeni janggina kenchakaniko ra·baskagen, an·tangtangko name tarisamsogipa chadamberangsa cholko man·na kraa, unigimin dondipgija ku·rang on·nangkugen ine Momin aganaha