Chokpot SBI-o ATM-ko kulie on·china gital MDC didia

TURA: Chokpot-o State Bank of India (SBI)-ni automated teller machine (ATM) dongkujae, manderang an·tangtangni tangka paisarangko bank-onasa re·ange okna nangtokengani gimin ATM-ko ta·raken kulie on·china gita Rongrikkimgre GHADC constituency-ni gital MDC Nikman Ch Marak dabiangaha.
Iani bidingo SBI Chokpot-ni branch manager-na sedoatengon, Chokpot-o ATM dongkujaengani a·sel manderang bank-onasa re·ange tangka paisarangko okna nangenga aro uandaken basakobarangde bank-o mande bang·tingen mitamrangde nangchongmotan somoirangoba an·tangtangni tangka paisarangko okna man·tokjaenga ine Marak parakatenba, Chokpot SBI-o ta·raken ATM-ko kulichina didiataha.
Ru·uta somoirangonin Chokpot-o ATM-ko kulichina gita jolo songdongenggipa manderang dabitokengahachim ineba gital MDC parakataha.