U·IATTIMGIPAONI
SHILLONG: COVID-19 tika su·na gita bilsi 18 gapgiparangna da·aloni dipet online gita biming segataniko a·bachengatanggen, Sorkari a·bachengao dambri biaprangosan bilsi 18 gapgipa manderangko tika su·na chol on·chengkugen.
Health Minister AL Hek Sukrobaro koborni manderangna agana je, da·o salgnini gisepo a·dok, pong 42000 covid tikarangko man·sotainasienga.
‘‘Baditana kingking sam bijirangko man·soa uano pangchakesa tika su·aniko dakanggen, indiba a·bachengode, chinga Shillong, Tura, Jowai aro Byrnihat iarango su·angchenggen,’’ Hek aganaha.
Covid tikarang A·dokona sokbadapdapenga, indake bilsi 18 aro 45-ni gisepogipa lak 15 mang manderangko Covid tika su·anggen ineba Health Minister aganaha.
Chu·gimikko tika su·gopgenchimode Meghalayana pong lak 30 mang tikarangko nanggen.
Indakeba nikatna man·a gita Meghalaya, Covid tikarangko Serum Institute-oniko bi·atmanaha aro jasani gisepo tikarangko on·atna gita institute-ba aganatmanaha.