St Claret School-ni residential compound-ko containment zone dakata

Ampati: Betasing PHC-ni ning·o ga·akgipa St Claret School-ni residential compound-o covid sagipa-rangko man·ani gimin containment zone parakataha.
Containment zone parakatgipani sepangjolo donggipa gimikkon nok-tangtango dongchina aganataha. Jinma tom·dak-aniko champengata bak-sana containment area-o ga·akgipa gimik private institution-koba chipataha. Indiba St. Claret School-o MBOSE-ni porikkako covid-ni health protocol-ko ja·rike seataigen.
Indake ong·engon, South West Garo Hills-ni Salmanpara PHC-oba covid sabisi man·ani gimin OPD service-ko May 1 aro 2 tarikona chipataha. Sal-gnina chipatani somoio PHC-ko rongtalatgen aro covid sabisiko giproroako champengna sabisi man·-gipako gronggipa mande-rangko sandie porikka ra·gen.