TURA: West Garo Hills a·jaoba COVID-19 man·giparang ta·raken batrorobaengahani gimin Mongolbar saloba, Tura bazar-o dokkan dakgiparangko porikka ra·e nitaion sak 14 positive ong·dapaha ine West Garo Hills a·jani Deputy Commissioner Ram Singh u·iataha.
Deputy Commissioner-ni u·iatani gitade, West Garo Hills a·jao aro mongsongbate Tura-o COVID-19-ko man·giparang batrorobaengani gimin Tura Bazar-o dokkan dakgiparangko COVID-19-na porikka ra·e niangon, dokkan dakgiparangoni gimik sak 14 positive ong·dapaha.
Mongolbar salsani gisepon West Garo Hills a·ja gimiko sak 56 manderang, COVID-19 positive ong·dapaha aro uandaken da·o West Garo Hills a·jao COVID-19 man·e dongenggiparang gimik sak 295 gapengaha ineba Singh parakataha.
Mongolbar salo sak 34 manderang ia COVID-19-oni nampilna gita man·skaaha aro uandaken da·o West Garo Hills a·jao COVID-19-oni nampilgiparang gimik sak 165 gapskaengaha ine Deputy Commissioner u·iataha.
Indake ong·engon, Tura bazar-ona koros ka·na re·anggipa manderangko an·tangtangna simsakchina, mask-rangko mitapgni ganchina, jakrangko rongtale rakkichina aro skatang dokkanrango nape apchangket ong·atjachina gitaba Deputy Commissioner didiataha.
Tura jillani ning·o donggipa dingtang dingtang bazar antirango aro manderangni jinma tom·chakgipa biaprangoba COVID-19-na porikka ra·e niangkugen ineba Deputy Commissioner u·iataha.
Tura Bazar-o COVID-na porikka ra·e nianio sak 14 positive ong·dapa
Date:
Share post:
