SHILLONG: Mongolbar saloni Budbar salona konta 24-ni gisepon Meghalaya a·dok gimiko sak 846 manderang COVID-19 man·dapaha aro ia apsan salon sak 10 manderang COVID-19 man·e siangskaaha.
Budbar salo COVID-19 man·dapgipa sak 846 manderangko channe da·o Meghalaya a·dok gimiko COVID-19 man·e dongenggiparang gimik sak 8055 gapengaha aro COVID man·e sianggiparangara gimik sak 512 gapskaengaha.
Budbar salo positive ong·gipa sak 846 manderangoni sak 19-de East Garo Hills-o, sak 36-de East Jaintia Hills-o, sak 527-de East Khasi Hills-o, sak 23-de North Garo Hills-o, sak 18-de Ri Bhoi a·jao, sak 5-de South Garo Hills-o, sak 43-de South West Garo Hills-o, sak 84-de South West Khasi Hills-o, sak 72-de West Garo Hills-o aro sak 19-de West Jaintia Hills a·jao ong·a.
Budbar salo COVID man·e sianggipa sak 10 manderangoni sak 8-de East Khasi Hills-o, sak 1-de West Jaintia Hills-o aro sak 1-de East Jaintia Hills a·jao ong·skaa.
Ia apsan salon gimik sak 752 manderangde Meghalaya a·dokni dingtang dingtang biaprango COVID-19-oni nampilskana man·aha aro uandaken ia COVID-oni nampilgiparangba gimik sak 23728 gapskaengaha.