Tuesday, February 11, 2025
spot_img

WGH-na ambulance bol 2 aro oxygen concentrator-rangko CM on·anga

Date:

Share post:

spot_img
spot_img

TURA: Garo Hills-oba COVID-19-ko man·giparang batroroengani gimin Mongolbar salo, Meghalaya a·dokni Chief Minister Conrad K Sangma, Tura-ona re·bae, Garo Hills gimikni deputy commissioner-rang, health official-rang aro dingtang dingtang department-ni official-rang baksa DRDA conference hall-o tom·aniko ong·atangaha.

Ia tom·anio a·dokni Chief Minister, Garo Hills-ni dambonga a·jarango ong·enggipa obostarangni bidingo sing·sandie ra·angenba, mikkangchi COVID-19-ko nambate warachakna man·na gita pilak department-rangkon health department baksa bakrime kamko ka·china didiangaha.

Garo Hills-ni manderangko COVID-ni tikarangko su·ani bidingo chanchirimangengon, bilsi 45 batgimin manderangna tikarangko su·na nangchongmotani bidingo Chief Minister aganangaha aro mikkangchi bang·bata manderangko su·na man·na gita kamrangko ka·china official-rangko didiangaha.

Tura-ona re·baani somoio a·dokni Chief Minister, dingtangmancha ambulance bolgni baksana oxygen concentrator-rangko COVID-19-ni kamrangna jakkalchina gita West Garo Hills a·jani district administration-na pakwate on·angjolaha.

Tura-o COVID-19-ni kamrangko ka·na gita COVID War Room-ko kuliahani gimin ia War Room-koba a·dokni Chief Minister niangjolaha.

Iana skang, Tura-ona re·baengmiting somoio ua, Jengjal-o rikenggipa Cryogenic Oxygen Plant-ona tariangenggipa ramakoba niangjolaha.

Indake ong·engon, Tura jillako nitobatatna kam ka·anirangko, Tura-o rikenggipa Medical college, Tourism aro Tura-o rikenggipa dingtang dingtang kal·susachakram biaprangko nipiltaina gitaba a·dokni Chief Minister, dingtangmancha Mongolbar attamo Tura-ni circuit house-o tom·aniko ong·atangaha.

spot_img
spot_img

Related articles

Tough challenge awaits Pyniaid in Nongthymmai

SHILLONG, Feb 10: KHADC Chief Executive Member (CEM) and NPP candidate Pyniaid Sing Syiem is expected to face...

Five principals of state colleges share insights with peers in Indonesia

MAWKYRWAT, Feb 10: A delegation of five members from the Association of Indian College Principals (AICP), who are...

EGH meeting takes up issues concerning govt departments

TURA, Feb 10: Various issues relating to government departments were discussed during the East Garo Hills District Planning...

KHNAM manifesto promises restoration of Council’s power to issue ST certificates

SHILLONG, Feb 10: The Khun Hynniewtrep National Awakening Movement (KHNAM) released its manifesto on Monday, vowing to push...