DADENGGRE: Dadenggre C&RD Block-ni ning·o donggipa bilsi 18 ba una batgiparangko July 12 tarikoni Block Multi Facility Centre building-o covid tika su·gen, ine Dadenggre-ni Sub-Divisional Medical and Health Officer koborna u·iataha.
Dadeng Chigitchakgre, Dilsigre, Chibonggre, Amingokgre, A·dinggre, Dokramgre, Dechinggre, Upper aro Lower Baljek A·duma aro Baljek Songgitcham songrango donggipa manderangko July 12 tariko tika su·gen. Gipin songrang jekai Dabigre, Saka Boldakgre, Songmarenggre, Rengbonggre, Dimakgre, Darugre, aro Dilje A·pal songni manderangko July 13 tariko covid tika su·skagen.
Uandake Dadenggre Block-ni ning·o donggipa gipin dam 60 songrangona July 14, 15, 17, 19, 20, 21, 22, 23, aro 24-o sokangskagen.
