AMPATI: COVID-19-ni tikarangara, kenbegnigipa sabisioniko chel·chakna tarigimin tikarangsa ong·a ine Rangsakona-ni Congress MLA Zenith Sangma parakatenba, ia tikani bidingo tol·e jangbingbanganirangko bebera·jachina gita an·tangni constituency ning·o donggipa manderangko didiangaha.
Sombar salo, COVID-19-ni bidingo awareness program aro vaccination drive-ko South West Garo Hills a·jani Rerapara C&RD Block-ni ning·o donggipa Rangsakona songo ong·atanio Zenith Sangma ia kattarangko aganangaha.
COVID-19 sabisini bidingo songni nokni manderangna agan-talate on·angengon, manderang jedakode an·tangtangan an·tangtangko porikka ra·e nina aro tikarangko su·na re·anggen, uandaken ua ia sabisiko warachakna gita porikkarangko ra·e nina nangani aro tikarangko su·e ra·na nangani gimin aganangaha.
Ia program-ko Rerapara-ni Block Development Officer ZD Shira aro South West Garo Hills a·jani medical dol nangrime ong·atangaha aro ia program-ko Rangsakona children’s park aro Watregre kal·chakramo ong·atangaha.
Ia program-ko ong·atanio dongpae bakko ra·anggipa gipin manderangara, Sector Executive Magistrate-rang, chong·motan Horticulture Development Officer Sanyang Sangma, Veterinary Officer Dr Tusengbirth Marak, Rangsakona PHC-ni medical officer aro gipinrang ong·a.
COVID tikani bidingo tol·e jangbingbanganirangko bebera·jachina Zenith didia
Date:
Share post:
