SHILLONG: COVID-19 tikka su·gimin tourist-rangko a·dokona re·bana on·gen ba on·jawa uani bidingo da·al, COVID-ni obostarangni bidingo nipilani tom·aniko dakanio Meghalaya sorkari chanchigrike nianggen.
Sukrobar salo, COVID-ni bidingo nipilani tom·aniko dakanio a·dokni songre-songbatram biaprangko ba tourist spot-rangko kulipil·taiani bidingo aro tikka su·gimin tourist-rangko re·bana on·a ba on·gijani bidingo Sorkari chanchirimaniko dakanggen ine Meghalaya Chief Secretary, MS Rao Bristibaro aganaha.
Tikka su·gimin tourist-rangkosan a·dokona re·ba on·na gita chanchienggipani bidingo sing·anina aganchakengon, “ ian namgipa chanchiani ong·a aro iani giminan da·al chanchirimaniko dakanggen’’ ine Rao aganaha.
Unomitingo, a·doktangni manderangkode tourist spots ba songre songbatram biaprango rona on·na gita Sorkario chanchiani dongenga aro iani bidingo da·al bon·kame chanchianggen ineba Chief Secretary aganaha.
A·gilsakni mitampak a·songrangoba tikka su·gimin tourist-rangnade tourist spot-rangko oe on·enganikoba nikatna man·engaha.
COVID sabisini a·sel, tourism sector namen neng·nikataniko man·aha, mongsongbate tourism-o pangchake janggi tanggipa a·dokni manderang namen neng·nikaniko man·aha aroba tourism-ko kulipil·taianiko ka·oksie nichake dongtokenga ine nikatna man·a.
Tikka su·giminrangna tourism-ko oe on·ani gimin Sorkari da·al chanchigen
Date:
Share post:
