SHILLONG: Meghalaya a·dokni saksa gitcham politician aro Jaintia Hills Autonomous District Council (JHADC)-ni gitcham chief executive membor (CEM) Obil Kyndait, mijal Sukrobar pringo a·gilsakko watangaha.
Bilsi 78 ong·gipa politician Obil Kyndait, 1978 bilsio da·o Khliehriat constituency-ona ra·gatako man·gipa Rymbai constituency-oni skanggipa changna MLA-na seokako man·ahachim.
Ua JHADC-oba 4-Tuber District Council constituency-o changdokna kingking MDC-na seokako man·aha aro baditaba chang JHADC-ni CEM-ba ong·angahachim.
Ua 2014 bilsio JHADC-ni chairman ong·e politics-oni neng·takaha
Sianggipa Kyndait-ni manggisiko da·al Sonibar salo East Jaintia Hills a·jani Mukhaialong songo so·e galgen ine kobor on·aha.
