TURA: North Garo Hills police, mni Bristibar walo PWD department-ni official aro uni nokoni me·chikrang sakgniko chadrapgipa, denggu dakgipa sak gittam manderangko rim·a man·aha.
Dos dakgipa sak gittam manderang, A·dokgre-o PWD official-ni dongchakram noko walni somoio nape, noko donggipa me·chikrang sakgniko dokna-satna am·achi ka·mikkenatahachim.
R N Marak, jean department-ni saksa a·gipi official ong·e bilsi 50 ga·apahachim, uamangko nokgimikni mikkkangon ka·mikketan baksa nokni mandrangko kal·stape ro·aha.
Uarangna agreba, nokdangni me·chikrang sakgniko doke-sate roaha, jeon pilak obosta ong·giparangkoba songsalo jangatahachim. Je manderangan chadrapako man·aha uamang sakantikon, ka·mikkenatna jotton ka·ahachim ineba koborna parakataha.
Uandake doka man·gipa official, Adokgre police station-o badi ka·aha, jean uko matnangahachim, uko matnange badi ka·doangaha. Uni badio janapani gitade, uni nogipa nanggipa aro uni ripengkoba chadrapna miksonge kamko ka·ahachim.
PWD-ni official-ko chadrapani gimin rim·a man·gimin manderangara, Phantom O Sangma (27), Azariah A Momin (21) aro Churik A Momin (25) mangan ong·a. Uamangko mni Sukrobar walon A·dokgre-o rim·tokaha ineba koborna parakataha.
