SHILLONG: Mijal Mongolbar salo, Meghalaya a·dokni Chief Minister Conrad K Sangma aro Deputy Chief Minister Prestone Tynsong, a·dokni gital MCS officer-rang baksa Meghalaya Secretariat-ni Yojana Bhawan-o tom·aniko ong·atangaha aro ia tom·anio uamang gital MCS officer-rangna agan-ku·pattianirangko on·angengon, pangnan bamgipa ong·e kamko ka·china gita didiangaha.
Ia tom·anio Meghalaya Administrative Training Institute (MATI)-ni Director Ram Kumar-ba dongpae bak ra·angaha.
Ia bilsio gimik sak 38 gital MCS officer-rangko seokahachim aro uamang re·anggipa July 1 tarikonin jadokna MATI-o training-ko ra·engachim.
Ia tom·anio a·dokni Chief Minister Conrad K Sangma, gital MCS officer-rangna didiani kattarangko aganangengon, chadambeni salrangon a·dokna aro a·dokni manderangna dangdike on·na gita seokako man·aniara rasong chabeani ong·a indiba bang·bea daitorangko jako ra·na nanganiba ong·skaa ine parakangenba, kamtangtangko chu·sokatengon, pangnan bamgipa ong·e kamko ka·china gital MCS officer-rangko didiangaha.
Ia chasongo chadamberangni nangnikaniranga namen dingtangmanchagipa ong·a ine talataniko on·angengon, chadamberangni nangnikanirangkode chadambeskarangan ma·sichakrongani gimin chadambe officer-rang nambate kamko ka·na man·gen ine Chief Minister, an·tangni ka·dongchakenganiko parakangaha.
Ia tom·anio a·dokni Deputy Chief Minister Prestone Tynsong-ba aganprakengon, gital MCS officer-rangko kamtangtango bimchipgiparang ong·china, kakketgipa ong·china aro saksa sakgipinna bamgiparang ong·china didianiko on·angaha.
Bamgipa ong·e kamko ka·china gital MCS officer-rangko sorkari didia
Date:
Share post:
