COVID-19: Sak 686 man·dapaha, sak 499 nampila

SHILLONG: Batanggimin konta 24-ni gisepo Meghalaya a·doko sak 686 manderang COVID-19 sabisiko man·daptaiaha, aro ia apsan somoion sak 499 manderang sabisioni nampilskaaha aro sak 12 manderang sabisio uamangni janggirangko gimaattaiaha. Mijal salni bako sak 686 COVID sabisi man·giparangoni East Khasi Hills-o sak 219, West Khasi Hills-o sak 187, West Garo Hills-o sak 83, West Jaintia Hills-o sak 59, Ri-Bhoio sak 53, South West Khasi Hills-o sak 31, East Jaintia Hills-o sak 20, South Garo Hills-o sak 12, South West Garo hills-o sak 9, North Garo hills-o sak 7 aro East Garo Hills-o sak 6 manderang COVID man·dapaha. Indake mijal salni bako COVID sabisioni nampilgipa sak 499 manderangoni, West Garo Hills-o sak 127, East Khasi Hills-o sak 95, Ri-Bhoio sak 93, South West Khasi Hills-o sak 58, West Khasi Hills-o sak 41, West Jaintia Hills-o sak 29, South West Garo hills-o sak 13, North Garo hills-o sak 13, South Garo Hills-o sak 11, East Jaintia Hills-o sak 10 aro East Garo Hills-o sak 9 manderang COVID sabisioni nampiltokaha. Unomitingo apsan somoini bakon sak 12 manderang COVID sabisio uamangni janggirangko gimaattaiaha, uamangoni East Khasi Hills district-onin sak 9, Ri-Bohi District-o sak 2 aro saksa West Khasi Hills district-oni ong·a. Meghalaya a·doko COVID-19 sabisiko man·giparang mijalo gimikchi sak 65,000 gapaha, uamangoni sak 57,949 manderang COVID-oni nampiltokaha, sak 1,085 manderang COVID-o uamangni janggirangko gimaataha, COVID sagiparang a·doko da·oba sak 5,966 dongengkua.