SHILLONG: Salantio hajira ka·e chagipa manderangna Chief Minister’s Relief Against Wage Loss (CRAWL) scheme-ni ning·o sakprakna chamgipa gong 2,100 tangkarangko on·china gita Thma U Rangli (TUR) changsatai Labour department-ko gisik ra·attaiaha.
Labour department-ni Principal Secretary baksa tom·enba agangrikmiting somoion, hajira ka·e cha·giparangna tangka paisachi dakchakaniko on·gen ine department ku·rachakahachim ineba TUR-ni kattao janapaha.
“Hajira ka·e cha·giparangna tangka paisarangko chipatchina gita chinga, department-na August 15-ona bon·kame somoiko on·enga. Jemangan tangka paisarangko man·soachim uamangni bimingrangkoba on·china gita chinga antirikkitan see on·china dabienga,” koboro janapataha.
Ia 2021 bilsinaba dakchakaniko on·china gitaba uamang sorkari dabiaha, jeon bang·a manderangan ia gnigipa changna COVID sajinmani somoi uamangni janggi tangani cholrangko gimaataha, TUR aganaha.
Meghalaya Building and Other Construction Workers Welfare Board (MBOCWWB)- biming segatgiminrangnaba tangka paisachi dakchakaniko on·chin gitaba uamang dabiaha.
