SHILLONG: HNLC bobil dolni gitcham general secretary Chesterfield Thangkhiew-ko gogrikao police-ni so·otaniara, manderangni police baksa ripeng ong·ani ba melianiko bilgriatgnok ine gitcham Home Minister, RG Lyngdoh aganaha.
Ia a·sel ong·gipani bidingo manderangni sing·anirangna police maidakgipa aganchakaniko on·enba manderangko chu·ongnikatgen ba bebera·atgen, ia a·sel ong·aniara namen rasong gribeani ong·aha ineba Lyngdoh aganaha.
Namen ka·sachakeba nikata, maina knaani gita Chesterfield Thangkhiew saengachim aro police-ni daka kamni kosako namnikgijani kattarang bang·en nakataha ineba gitcham minister aganaha.
Samgipinchi, bame on·gimin HNLC bobil dolni general secretary-ni kosako police-ni operation ka·mitingo so·otako man·ani bidingo police-ni kosako bilaken matnangtokengaha ine ine Congress MLA, Ampareen Lyngdoh aganaha.
Ungisepon, chong·motgipa a·sel ma·sina man·na gita Meghalaya Human Rights Commission, independent inquiry-ko dakatgen ineba ua aganaha. Meghalaya Police-ni gita sandirokataniko dakatnaba donga ineba ian jinmani nikaniode mikkang nitee daka ine chanchiman·ainaba donga, Congress dilgipa aganaha.
