Pala-ko gital MPCC prez-na seoka

NEW DELHI: Congress president Sonia Gandhi, mija Butbar salo Shillong-ni MP, Vincent Pala-ko Meghalaya Pradesh Congress Committee (MPCC)-ni gital president-na seoke on·aha.
Indake ru·uta somoirangna senge donenggipako Congress dilgipa Rahul Gandhi, parakataha, jenan ‘‘party angna jedakgipa daitoko on·oba anga uako jako ra·na gong·aia’’ ine Pala aganchakaha.
Indakeba u·iata je party president, Ampareen Lyngdoh, Marthon Sangma aro James Lyngdoh mangko MPCC-ni working president-rang dake seokaha, unomitingo Ampareen Lyngdoh, jean Mizoram-ni AICC secretary in charge-ni kamko jako ra·engachim, uanoniko uko neng·takatskaaha.
Post-oni neng·takgipa MPCC president Dr Celestine Lyngdoh kam ka·anirangnaba party mittele aganaha.
Unomitingo, Pala-ko MPCC-ni gital prresident-na seokgipani bidingo aganengon, re·baenggipa 2023 Assembly election-na tarisona gita ian party-ni skanggipa ja·ku de·chakkatani ong·enga ine Congress MLA Ampareen Lyngdoh aganaha.
Pala, party-ko re·dilna changgipa ong·a, dolko bilakatna chinga ku·cholsan kam ka·gen ineba Ampareen aganaha. A·dokni pilak kamrangkon sakgittam working president-rang niroke kam ka·anggen ineba ua agandapaha.