TURA: ICAR, KVK, West Garo Hills, Meghalaya, NICRA project-ni ning·o mni Sukrobar salo Marapara songo ‘Fodder Production’-o salsana training programme-ko ong·ataha. Songni manderangna jila-alani bidingo skie on·na miksonganio training programme-ko ong·ataha. Garo Hills jolo jilanirangna on·gipa cha·anirangko man·a bilongen neng·nikaniko man·a. Uandake programme-o bak ra·giparangna, jilanirangna on·na man·gipa bol-samsi ba uandakgiparangko ge·na gamna skie on·aha. Songo-noko maidake bol-samsiko ge·na man·gen aro maidake ge·gen iarangni gimin namen talate on·aha. Uandake jilanirangna chu·onga gita maidake cha·anriangko on·na man·gen iani giminba skiaha. Indake ong·engon training programme-o sak 27 game ge·e cha·giparang bak ra·angtokaha. Aro programme-o cultivation method ba ge·a gamani dingtang dingtang cholrang jekai- Para, Guinea, Hybrid Napier, Congosignal aro Stylosanthes, Subabul aro Bauhinia- iarangni gimin skie on·aha. Unbaksana damsa fooder demonstration plot-ko Marapara songon Custom Hiring Centre- mikkango songaha. Minggipin West Garo Hills-ni KVK, Marapara songni manderangna na·tok aro na·tokni cha·anirangko suale on·jolangaha.
