SHILLONG: Meghalaya Legislative Assembly-ni Speaker Metbah Lyngdoh-ko kamoniko ra·galna gita Congress Legislature Party (CLP), name chanchichengenba, resolution-ko ra·na tik ka·aha ine CLP-ni dilgipa Mukul Sangma parakataha.
“Assembly-ni Speaker-ko ra·galna chingni resolution ra·ani bidingo da·o ong·atna sienggipa Assembly-ni Autumn Session-o chanchirimanggen. Assembly Speaker-ko ra·galna gita chinga chingni resolution ra·aniko Assembly-o talate on·gen,” ine Sukrobar salo, CLP-ni tom·ani ja·man, Mukul Sangma parakataha.
Sangma-ni parakatani gitade, Assembly-ni Conduct of Business aro Indian Constitution-ni niamrango pangchake, resolution ra·na bi·aniko CLP, Assembly Secretariat-o on·manaha.
Re·baenggipa September 10 tarikoni a·bachengatenggipa Autumn Session-o Opposition Congress dol, dingtang dingtang kamrangni bidingo sorkario sing·doanggen aro sorkari uamangna nanga gita aganchakanirangko on·gen ineba Sangma, an·tangni ka·dongchakenganiko parakataha.
Assembly-ni Speaker-ko ra·galna resolution ra·ani bidingo seatgipa chittio Congress dolni dingtang dingtang dilgiparang, chong·motan Zenith Sangma, George B. Lyngdoh, Kimfa S. Marbaniang aro Himalaya Shangpliang soi ka·achim.