SHILLONG: Shillong-ni Rama Krishna Mission, Meghalaya sorkarini Arts & Cultural Department baksa apsan nangrime, a·dokko jakgitel man·chengaoni chang 50-gipako aro India Azadi Ka Amrut Mahotsav-ni chang -ni chang 75-gipako maniani bak gita mejalo Shillong songjinmao chang 47-gipa Annual Cultural Competition 2021-ko ong·atangaha.
Ia bilsio pangna bilsio cultural program-ko ong·atronga gita ong·gija, dingtang dake da·ororo COVID-19 sabisini a·selo bang·a niamrangko ja·rikna nangengani gimin, Cultural competition-rangko online gita ong·atangskaaha.
Susagrikanirangko ong·atangahaon, (dingtang dingtang ku·sikrangchi), Essay, Content Writing, Khasi Folk Song, MockTel aro Ideathon-rangko class nursery-o poraigiparangoni, college-level-o poraigiparangona dipet bakko ra·atangaha.
Uarangna agreba, Meghalaya-o chu·sokgiparangko ma·sie ra·na gita “Be with a Beacon”-o pangchake bakko ra·pagiparangoniko “interview”, chong·motan sing·rikkie ra·anirangkoba dakangjolaha.
Uandake Sohra-ni Rama Krishna Mission, jolni weaving exhibition aro uamangni changa-sapani aro daka-rikanirangko mesoksusaangskaaha.
Indake ong·engon, dingtang dingtang susagrikanirangko ong·atangahaon, sak 1079 candidate-rang an·tangtangko biming segatangaha aro uamangoni chu·gimik sak 77 candidate-rang seokako man·e boksisrangko ra·chakangskaaha ineba koborna parakataha.
Susagrikanio chegiparangna mejal September 11, 2021 tarikosa Meghalaya, National Institute of Technology-ni director, Professor Bibhuti Bhushan Biswal, jean salni dal·atgipa ong·e program-ona sokbahachim uni jakchi boksisrangko sualangtokaha ineba koborna u·iataha.
