State delegation, NSUI-ni Natl Exe Meet-o bak ra·ea

SHILLONG: Re·anggipa September 11-12 tarikrango salgnina New Delhio ong·atgipa National Students’ Union of India (NSUI)-ni National Executive Meet, 2021-o NSUI Meghalaya State Unit-ni President Bansharailang Pyngrope, Vice President Changkam Sangma aro General Secretary-rang-Mewan Pariat aro Arkin Warjri mang re·ange bakko ra·eaha ine Bansharailang Pyngrope koborna u·iataha.
Program ong·miting somoio state unit-ni delegation, Rahul Gandhi-ko man·chape  dingtang dingtang congress dilgiparangko gronge agangrikaha aro Indian Constitution-ni 8th Scheduled-o Khasi aro Garo ku·sikrangko a·dokni manderangni chapatna nangniko uamang aganaha. Iana aganchakengon, manderangni ia nangnikaniko chu·sokatgen ine ka·dongataniko on·aha indiba ia ku·sikrangko manderang bang·e gipatna aro sea-jotanirangko dakna nangchongmotgipa ong·gen ine Rahul Gandhi aganaha.

Get real time updates directly on your device, subscribe now.

Comments are closed.