SHILLONG: Meghalaya a·dokni damgittam Assembly constituency-rango by-election-ko re·baenggipa October jani 30 tariko ong·atgen ine Mongolbar salo Election Commission of India (ECI) parakataha.
Meghalaya a·dokni sakgittam MLA-rang, chong·motan Mawryngkneng constituency-ni MLA David A Nongrum, Mawphlang constituency-ni MLA SK Sunn aro Rajabala constituency-ni MLA Dr Azad Zaman, ia bilsini gisepo siangahani gimin ia damgittam constituency-ni by-election-ko ong·atna nangengachim.
Meghalaya a·dokni by-election-rangko, a·songni gipin dam 10 a·dokrango donggipa dam 12 Assembly constituency baksana dam 3 parliamentary constituency-ni election baksa apsan ong·atenga.
A·dokni Chief Electoral Officer FR Kharkongor-ni u·iatani gitade, Meghalaya Assembly-ni bangbang ong·e dongenggipa seat-rangko gapatna gita Election Commission, ia by-election-ko ong·atna manchiangaha aro ia by-election-ko October 30 tariko ong·ate, counting-ko November 11 tariko ong·atna tik ka·aha.
By-election-na gazetted notification-ko October 1 tariko on·gen aro nomination file ka·ani bon·kamgipa tarikara October 8 tarik ong·gen ineba a·dokni CEO parakataha.
Nomination-rangko October 11 tariko nipilanggen aro nomination-rangko ra·pilani bon·kamgipa tarikara October 13 tarik ong·skagen.