SHILLONG: Meghalaya a·dokni Chief Secretary ong·enggipa MS Rao, Bristibar salo kamtangoni neng·takangengahani gimin uni biapko ra·rikna gita sakgipin IAS officer RV Suchiang-ko Meghalaya sorkari, a·dokni gital Chief Secretary songskaaha.
1989 batch-ni IAS Officer RV Suchiang, da·o dipet Meghalaya sorkario Additional Chief Secretary ong·e, Personnel & A.R., Cabinet Affairs, Finance, Home (Police) aro gipin department-rangko jako ra·engachim.
Meghalaya sorkarini Chief Secretary ong·e kamko jako ra·ahaon ua, State Vigilance Commissioner ong·eba kamko ka·anggnok.