TURA: By-election ong·atnasienggipa 47-Rajabala (Gen) LAC-na watatako man·gipa General Observer, Turaona sokbaaha ine West Garo Hills District Election Officer, Ram Singh, u·iataha.
U·iataniko on·gipao janapatani gitade, Model Code of Conduct-ko pe·ani aro uni nangchapgipa kamrangni bidingo maikoba sing·na nangode aro badi ka·anirang dongode General Observer, Sandesh Nayak, IAS-ko salantian pring 11-oni 12 bajiona Tura Circuit House-ni VIP Annex-o grongena man·gen
Unbaksana observer-ko mobile number 9863829195-oba agangrikna man·gen ineba taldapataniko on·aha.
