Shillong: October 4 tariko Lachumiere-o NPP office a·palo boma donako man·ani mamlao jak donganio Umphyrnai songni sak bonga panterangko rim·ani gimin Nongkrem local MLA, Lambor Malngiang mijal Butbar salo police-oniko che·el che·em report-ko am·aha.
Songni panterangni kosako matnangani namen bilonggipa a·sel ong·a. “Ua mamlani bidingo che·em che·em report-ko on·china anga police-ko aganaha,” Nongkrem local MLA aganaha.
Boma donao dosi dongmanchaa ine Umphyr-nai songni Ksankupar Kharkongor-ko October 6 tariko Shillong Civil Hospital-oniko police, rim·-chengaha. A·selko sandion chanchichipe HNLC bobil dolni membor ong·achim ine Police aganaha.
Kharkongor-oniko nam-gija dakani man·gipa sakkirangko ra·sekaha aro jak donggipa gipinrangko rim·na sandianio chu·sokengaha ine Assistant Inspector General of Police GK Iangrai aganaha.
A·bachengao Chief Minister, Conrad K. Sang-ma, sak bonga mande-rangko rim·aha ine u·iataha. Dosi dongmanchagipako rim·ani ja·mano October 9-o uni ku·rachakaniko man·e police songoniko sak gittam gipinrangko rim·taiaha.
Songoni sakgipin panteko saksako chanchi-chipe police sing·rokaha. Koborni gita ua pante songni sordar, Livingstone Kharkongor aro nokdangni manderang baksa report ka·na Mandanriting police station-ona re·angaha.
Ua panteko sing·rokna Laitumkhrah police rimangaha. Police sakgipin songni panteko October 10-o rim·aha, indiba jak dongja ine nike uko watpilaha. Indake ong·engon, pilak ong·a obostani che·em che·em a·selko sandichina, Malngiang, police-ko didiaha.
Rim·a man·gipa gipin panterang police custody-o donkuenga. “Uamang jak dongmanchaama uko talna uamangko namedake police sing·na nanga,” ua aganaha.
Get real time updates directly on your device, subscribe now.
Next Post
Comments are closed.