SHILLONG: Martin Luther Christian University (MLCU)-ni chang 14-gipa Convocation-ko Sonibar salo, university-ni YouTube channel gita ong·atangaha aro ia convocation-ko ong·atanio Meghalaya a·dokni Governor aro university-ni Visitor Satya Pal Malik-ba bakko ra·angaha.
Ia convocation-ko ong·atanio graduate ong·anggipa university-ni sak 711 chatro chatrirangna, ming 7 Ph.D, ming 381 master degree, ming 278 bachelor degree, ming 13 post graduation diploma aro ming 32 diploma-rangko on·angaha.
Graduate ong·anggipa university-ni chatro chatrirangna a·dokni Governor, an·tangni nama skaniko parakatengon, MLCU-ba India a·songo nambatsranggipa university-rangoni damsa ong·paenga ine an·tangni kusi ong·aniko parakataha.
COVID-19-ni a·sel tangka paisani gita neng·nikanirangko chagrongna nangenggipa sak 100 chatro chatritrangna indin scholarship-rangko on·ahani giminba ua MLCU-ko mittelpilangaha.
Dingtang dingtang research project-rangko dakengani gimin university-ko mittelpilangengon, dingtang dingtang kamrango aro mongsongbate CM-ni E-Champion Challege aro PRIME Meghalaya-CM Entrepreneurial Challenge 2020-21-o chu·sokgipa chatro chatrirangnaba ua an·tangni namgipa skanirangko parakataha.