New Delhi: (UNI) Meghalayao sana banani a·bako nambatatna aro bilakbatatna gita India aro World Bank, US$ 40 million health project-na soi ka·aha. A·dokni district ge 11 gimikan ia project-ni namgniko man·gen ine Union finance ministry-ni koboro parakataha.
Ia project, a·doko da·o jako ra·enggipa Meghalaya-ni health insurance program- Megha Health Insurance Scheme (MHIS)-ko bilakdapatna gita namen dakchakbeani ong·gen, jeni namgnikon da·omitingo a·dokni 56% nokdang man·enga.
Ia project-ko, a·songni Pradhan Mantri Jan Arogya Yojna (PMJAY) baksa jakkaldimengachim, ianchango a·dokni 100 percent nokdangrangko MHIS-o chapatna gita miksongenga.
Ia scheme, a·dokni kangal cholgrirangni hospitalrango sana banani korosrangna namen dakchakaniko on·enga.
