NEW DELHI: Meghalayao ge·gittam assembly seat-rangna by-election ong·atgipao sirikani a·sel ja·pangrangko AICC sandiatengon, re·baenggipa 2023 general assembly election-ode Congress bilakbapilgen ine MPCC President, Vincent H Pala aganaha.
Congress, ku·cholsan ong·e kam ka·gen aro re·baenggipa assembly poll-rango chegen ine Pala aganaha. NPP-ni dal·batgipa dilgiparang baksa uni agrepile melidugaani giminsa Congress, by-poll-o sirikaha ine matnanganirangkoua Congress dilgipa jegalaha.
Congress General Secretary, Organisation, K.C. Venugopal-ni aganani gitade, Meghalayako man·chape re·anggipa October 30 tariko ong·atanggipa by-election-ni report-rangko on·atchina gita pilak a·dokni Congress-ni skotongrangko aganatahachim. Congress party, by-poll ong·atgipa Assam, Meghalaya, Mizoram, Bihar, West Bengal, Telangana, aro Andhra Pradesh a·dokrango siriktokaha indakoba Himachal Pradesh-o aro adita gipin a·dokrangosan bang·a bang·ja seat-rangko cherikaiahachim.
Re·anggimin election-o vote man·anirang baksa tosusaatgenchimode, batanggimin by-election-o Congress-ni vote man·anirang namen nambatbaaniko nikna man·a, maina party candidate-rang gimikan gnigipa ong·tokaha, Pala aganaha.
Party-o nanggrikanirangna agreba, mitam candidate-rangni party-oni ong·kate susaenba vote-rangko sale katasan ong·ja indiba voter-rangkoba dilsretahani gimin by-pollo sirikani ja·pangde ong·bataha ineba Pala aganaha. MDC-rang aro block congress dilgiparangni bon·kamgipa somoio party-oni ong·kate kattokani giminba Congress sirikna nangao ga·akaha ine Congress dilgipa aganaha.
Re·baenggipa 2023 assembly election-rangni bidingo sing·anina aganchakengon, Congress bilakbapilgen aro chu·sokgipa ong·gen, ge 60 assembly seat-oni ge·gittam seat-na election ong·ato sirikaianide chingna maming sinchepani ong·ejawa ineba Pala agandapaha.
Pala, indakeba aganaha je NPP, a·doko uamangan sason ka·engani gimin pilak kamrangan uamangni jakon unbaksana uamangni bakrimgipa UDP, BJP aro gipinrangna chakpaaha, jeon Congress-de an·tangri susaaha, indakoba vote man·ako niatode namen nambataha ine MPCC President Vincent Pala aganaha.
