SHILLONG: Congress-ni niksenggipa dilgiparangoni saksa Dr Mukul Sangma-ni party baksa suk ong·gijani bidingko namatna jotton ka·anio AICC-ni chu·sokgijaniko nikna man·enga, maina Dr Mukul Sangma, Trinamool Congress-on napna chanchiengahakon.
Kobor man·soani gitade, Dr. Mukul Sangma, bilsi 2023 Assembly election-na skang TMC-o napnaba donga. Uandake Garo Hills-oni Congress MLA Jimmy D Sangma aro Marthon Sangma- uamangna agrede gipin dilgiparang ong·katjanaba donga.
Khasi Hills-ni gimin niatgenchimode koborde talsrangkujaenga, indiba saksa sakgni MLA-rang TMC-o napnaba donga maina uamang Dr Mukul Sangma baksa meligiparang ong·a.
Kobor man·ani gitade, Congress-san ong·aija NPP-ni mitam MLA-rangba TMC-o napna sikgiparang donga.
Indake ong·engon da·onaba Mukul Sangma, TMC- o napgenma napjawa iani gimin talsrangkuja minggipin Mukul Sangma an·tangba mamingkon parakata dongkuja.
Iarangni gisepon Dr Mukul Sangma, Congress party-oni ong·kataha ong·ode NPP aro Congress haida melie kam ka·angna chanchinaba dongakon maina MPCC president Vincent Pala, NPP-ni dilgiparang baksa meligipa ong·a.
“Dr Mukul Sangma, Congress-oni ong·kataha ong·ode, maming neng·nikani dongjawajok, Congress aro NPP dolgnian apsan ong·e kam ka·naba donga, indiba da·ode indake ong·na man·skajawa, maina Dr Mukul, party-on dongkuenga.”
Congress party-o aditan meligrikgijanirangko nikna man·enga. Opposition-ni dilgipa mijaomangmang matchotanggipa bye election-oba campaign ka·a dongja. Mawphlang aro Mawryngkneng- iarang damgni constituency-on campaign ka·a dongja indiba Rajabala-ni damgittam biaprango campaign ka·aha.
Mukul Sangma, 2023 Assembly election-na skang TMC-o napnaba donga
Date:
Share post:
