SHILLONG: Krismasna skangan Meghalaya a·doko COVID-19-na tika su·aniko matchotatna man·gen ine a·dok sorkari ka·dongchakenganiko parakataha.
“Krismasna skangan bilsi 18 batgimin pilak manderangkon chinga tika su·e ra·aniko nikna sikenga aro ian chingni nisanba ong·enga,” ine National Health Mission (NHM)-ni Mission Director Ram Kumar, kobor ra·timgiparangna parakataha.
Mission Director-ni aganani gitade, Krismasna skangan a·dokni Health department, bewalko tika su·e ra·na ka·dongenga aro Chief Minister Conrad K Sangma-ni nangnikengani gita chu·gimikkon matchotanaba gnang.
South Garo Hills a·jao chu·sokanian ia nisanko chu·sokatna ba nokantionan changsade sokatna gita ka·donganiko on·aha ine janapatengon, a·doko COVID-19-na tika su·ani June aro July jarango ta·rakbana a·bachengaoni da·o lak 2.5-mangni gitade, gnigipa pongko su·ani ong·engahachim ine Kumar parakataha.
Prime Minister Narendra Modi-ni nangnikengani gita, a·doko COVID-na tika su·aniko Krismasna skangan chu·gimikko matchotatchina gita adita salrangna skangsan, a·dokni Chief Minister Conrad Sangma, dingtang dingtang a·jani dilgiparangko didiangahachim.
Indake ong·engon, Sombar salo a·dokni health official-rang, a·doktangtango tika su·aniko nipilna gita Union Health Minister Mansukh Mandaviya baksa tom·aniko ong·atangaha.
South West Garo Hills aro East Jaintia Hills a·jarangode tika su·ani 80%-mang gapengahani gimin ia a·jarangode tika su·anirang namengaha ineba NHM-ni Mission Director parakataha.
