SHILLONG: Meghalaya a·doko mijal salni bako sak 20 manderang COVID sabisi man·dapaha aro sak 44 gipinrang sabisioni nampilskaaha, unomitingo sakgittam manderang COVID sabisini a·sel uamangni janggirangko gimaatna ga·akaha, jemangan gimikan COVID tikkarangko su·tokkujachim.
Meghalaya a·doko COVID sabisiko man·giparang mijalona gimikchide sak 84,414 gpangaha, uamangoni sak 82,635 manderang sabisioni an·sengpiltokaham jeon sak 1,471 manderang sabisini a·sel uamangni janggirangko gimaataha, COVID sagiparang da·oba sak 308 dongkuenga, uamangoni East Garo Hills-o sak 11 East Jaintia Hills-o sak 2, East Khasi Hills-o sak 245, Ri-Bhoio sak 8, West Garo Hills-o sak 15, West Jaintia Hills-o sak 9 aro West Khasi Hills-o sak 18.
Mijalo COVID sabisini a·sel sianggipa sakgittam gimikan Eat Khasi district-oni ong·achim.
