TURA: SBI Foundation-ni dakchakanichi Bakdil-ni ra·gatgipa Gram Seva Project-ni gita re·anggipa Sonibar salo, SBI Ojas Youth Talent Hunt-ko Dadenggre Bakdil Training Centre-o ong·atangaha.
Ia susaaniko changgipa sapgipa chadamberangna Rural Talent Scholarship-ni ning·o scholarship-rangko on·e dakchakna gita miksonge ong·atangaha aro Talent Hunt-o singing competition aro bamboo crafting competition-ko ong·atangaha.
Git ring·susaanio Bilkam B Sangma, skanggipa boksisko man·e gong 10,000-ni cheque-ko man·angaha aro Ranggira M Marak, gnigipa ong·e gong 5000/-ni cheque-ko man·skaaha.
Bamboo Crafting ba wa·a watsusaanio sakbonga manderang, boring, kokreng aro uandakgipa bosturangko tarie bakko ra·angskaaha aro ia susaanio Kilipson M Sangma skanggipa boksisko aro Samson M Sangma, gnigipa boksisko man·skaaha. Uamangba skanggipao gong 10,000-ko aro gnigipao gong 5000/-ni cheque-ko man·aha.
Adita jarangna skangsan ia project-ni gita SBI Ojas Rural Talent Scholarship-ni ning·o robol kal·gipa me·chik sakgittamna aro wata chengani kamrango changgipa sapgipa mande sakgnina tangka paisarangchi dakchakanirangko on·angahachim.
