59th Field Regiment-ni A·chik sipai saksa Kashmir-o so·ota man·a

SHILLONG: 59th Field Regiment-ni havildar Hempiar R Marak, re·anggipa November 28 tariko Kashmir a·dokni Line of Control (LoC)-o a·songtangko warachakna gita kamko ka·engmiting somoio bobilrangni jako so·otako man·aha aro uni manggisiko Bristibar salo, dingtangmancha North Garo Hills a·jani Mendipathar jolo donggipa uni Salpara songon mande ra·aniko dakenba, gope galaha.
Havildar Hempiar R Marak, Field Regiment-ni silchidare gnang warachakgipa dolo kamko ka·gipa sipai ong·e Pakistan a·songoni napdrabaaniko champengsona gita Kashmir a·dokni LoC-o nirokengachim indiba ua rasong gribee ua biapo so·otako man·na nangahachim.
Uni manggisiko Budbar walo, uni songtang Salpara-ona ra·baaha aro uandaken Bristibar salo una bon·kame mande ra·pilskaaniko dakenba, uni manggisiko uni songon gope galaha.
Havildar Hempiar Marak-na bon·kame mande ra·pilskaaniko dakanio, uni nokdang aro uni ma·drangrang baksana Indian Army-ni official-rang, sorkari official-rang aro gipinrangba dongpae, una mande ra·pilskaaniko dakangtokaha.
Uni a·songtangko warachakanio janggitangko gimaatna nangahani gimin Meghalaya a·dokni Chief Minister Conrad Sangma-ba una mande ra·pilskaaniko aro uni nokdangni manderangna an·tangni kalimpaaniko parakataha.

Get real time updates directly on your device, subscribe now.

Comments are closed.